نه د لښــــــکر نه د ټوپک نه د تربـــــــــــــور سړى يم
زه د بې زړه په نوم د سيمې مشهـــــــــــــور سړى يم
چې کاينات هم ترې ښـــــــــکلا ته تازګي اخـــــــلي
زه په هغـــــه زه په هغـــــــه پسې رنځـــــــور سړى يم
راشــــــه چې پرې دې مينځم نن په شبنمي لاسونو
لکه سپرلى نن په ګلرنګــــــــــو اوبو سور سړى يم
پښتـــــون يم خو که ته له ماانســـــــان وژنه غواړې
په دغــــــــه کار کې نو نه ځوان يم نه باتور سړى يم
دهينــــــــدارو مخـــــــو زمانو پاچا که هم شم جلان
خو ستا غلام يم اشنا ستا د خولې مزدور سړى يم
سيدجيلاني جلان
ليكوال:
سیدجیلاني جلان / نېټه: 24.07.2010 / خپرونكئ: بختیارځدراڼ /
