روغ او لېــــوني راته يو شـــــــــوي دي
خپل دي که پردي،راته يو شــوي دي
نيسي مې لمنې ورتلی نـــــــه شمــــــــه
ګل سره اغزي راته يو شـــــــــــــوي دي
بيا مې رقيبان د يار په خـــــوله باندې
له کلي نــــه شړي،راته يو شــــــوي دي
خپـــــل ژوند تېرولو ته مې نه پرېږدي
اوس  خپل ګاونډي  راته يو شوي دي
وطن په غريو نيـــــولي انداز دا ووې!
خــدايــه!خپل بچي  راته يو شوي دي
ګوهره بيا مې دا خلک په مينـــــــه کې
دار تـــــه خېژوي،راته يو شــــــــوي دي
پېښور