ستاسو برېښنا ليک چي دخپلې پاڼې د راپيادولو په نيت مورالېږلۍ وترلاسه کړ،په بې سلامه ليک مو بياهم خوښ سوم داپدي خاطر چي تاسو ترموږ زيات دفرهنگي چوپړپايلوته پام کوئ خو زه به دومره درته ووايم چي ستاسو دپاڼې ادرس زمادکمپيوټر پر ټنډه ليک ليکل سوی اوهره ورځ څوځله سر ورښکاره  کوم. ستاسو دقلمي همکارانو د ښکلو شعرونو په لوساتلوڅوشېبې غم غلطوم
پر تاسو دي برکت وي ستاسو دقلمي همکارانوپر پر هوډ اوزيار دي برکت وي
زه چي ستاسو اوستاسوپه شان دنوروافغان زلمو په زيار اومټ هڅاندو پاڼوته سرورښکاره کوم من من غوښه اخلم اوپردې باوري کېږم چي داملت څوک وژلاي اوماتولاي نسي
موږ په تاسو اوستاسو په فرهنگي خدمتونو اوقوي عزم وياړو
په آخر کي بايد دومره درته ووايم چي پاڼومو دټولو افغانانو په منځ کي مشهوره اوزيات مينه وال لري
پدې هيله چي دخپلې پاڼې همدا مطبوعاتي خط اولين وساتی
پر لوي خداي موسپارم
چي په تاسو وياړي
غمخور
سويډن مالمو

ګران بختيار ځدراڼ صاحب سلامونه او ښې چاري په دا هيله چي روغ او جوړ به ياست . رومال ويب پاڼه مي له لومړيو ورځو څخه ترسترګو تېريږي او خدائ سته چي زړه مي غوښت چي په اړه يې يو ليك درته وليكم خو بيا هم هغه خبره چي !سپينه خوله لكه ګلاس له نوكرۍ نه يم درخلاس په هرصورت!ترنورڅه وړاندي بايد ووايم چي ستاسو د ويب پاڼي نوم ډېر راته په زړه پوري دى .هغه ځكه چي رومال كوم ته چي د بوري او شاوخوا سيمو خلك دسمال هم وايي زموږ په كلتور كي يو ځانګړى مقام لري . او د باقاعده شاعرۍ ترڅنګ يې په اولسي ادب كي هم په وار وار يادونه سوې ده . لكه يو څو كاكړۍ غاړي دي چي !يوار يې ټول كم بيا يې خوركم ستا دسمال به دلې زوړ كم ستاچارګل كوي لمبې دسمال پر خور كه چي راتلې تردسمال د ګوتكي ښه ده زما په جيب كي همېشه ده او دا رنګه يې په ټپو كي هم ځاي په ځاي په ډېره ښه توګه ذكر سوى دى لكه چي وايي !سر يې په سره دسمال تړلى خدايه يارجوړ كړې ماناجوړه كړې مينه اويا !نن مي د يار د راتلو ورځ ده د لاس بنګړي مي په دسمال تړلي دينه ګران ځدراڼ صاحب ستاسو او د هغو ټولو چاچي په دې كار كي له تاسو سره له يوه نه يوه اړخه مرسته كړېده له خپله اړخه كور ودانى وايم او ستاسو دغه ستر خدمت په د قدرپه سترګه ګورم او د تلپاتي برياليتوب په هيله مو يم .ماد ويب پاڼي قريب ټولي برخي كتلي او هره څه يې پر خپل خپل ځاي د ستايلو دي او بايد چي وهم ستايل سي . ځكه چي د پښتو ټولي ويب پاڼي د هغوي تكړه او پر قام،وطن او ژبه مين مسوولين په بېخي محدودو وسايلو كي پرمخ بيايي . كوريې ودان بريا يې په برخه . امينزه غواړم چي د رومال ويب پاڼي په اړه يو څو وړانديزونه تاسو ته وليكم په دې هيله چي كه بېځايه وي نو خفه نه سى .لومړى : د سر له خوا به يې پيل كړم . د ويب پاڼي بېنر بېخي بېخونده دى (زماپه نظر ) كه چيري زموږ د ګران وطن د يوه شنه غره پر ګلورينه لمن د يو څو ګلمخو ځوانانو داسي اتڼيز عكس وركړل سي چي دسملونه يې په لاسو كي وي نو ډېر خوند په وكړي .دويم : په كار ده چي په ويب پاڼه كي د ورځنيو خبرونو له وړاندي كولو څخه ډډه وسي او د هغه پر ځاي د ادبي خبرتياو او رپوټونو ته پام وګرځي نو ډېر به ښه وي . هغه ځكه چي ورځنيو تودو او سړو خبرونو ته موږ له وړاندي نوري ډېري ښې ويب پاڼي لرو . په دې برخه كي په كار ده چي له هغوي سره مرسته وكړل سي . دا زموږ ملي دنده ده .دريم : يوه برخه په كار دى چي داسي ولري په كومه كي چي د لراوبر افغانستان د ادبي ټولنو لنډه تاريخچه،دغړيو نومونه،د ترسره كړيو فعاليتونو په اړه څو لنډي كرښي ، د تماس دپاره پته او د تليفون شمېره ځاي پر ځاي سوي وي . د دې ګټه به دا وي چي د غونډو د جوړولو په وخت كي به د ټول وطن د راغوښتلو يا خبرولو كار بېخي اسانه سي .نور نو تاسو او ستاسو ملګرو او د پښتو ټولو چوپړوهونكو ته برياليتوب غواړم په پښتنه مينه ستاسو وروربوريوال كاكړجنوبي پښتونخواكوټه
 

د هر څه نه د مخه درومال پاڼې كاركونكو او هېوادوالو سلام او ښې چارې، راته خورا گرانو لومړى سوكاله برياله او سرهسكى ژوند درته غواړم او بيا درته سره د ټولو هېوادوالو درومال ويب پاڼې چې د هېواد د ښكلو ، پرمعلوماتو او فرهنگي ويب پاڼو څخه يوه ښكلې پاڼه ده د جوړيدو مباركي وايم تل راته سرلوړې او په خپلو فرهنگي او ژورنالستيكي هڅو كې بريالي اوسئ. دا چې تاسې ځوانانو د گران هېواد نه لرې د مسافرى په ژوند كې سره د ټولو مشكلاتو چې لرى يې بيا مو هم خپلو افغانانو ته د ژورناليزم او فرهنگ په ډگر كې د چوپړ ملا تړلې د زړه له كومې مباركي وايم او دا كار د ستاينې وړ دى او په دې برخه كې د لا زياتو بريو او غوړېدو هيله كوم. دا رېښتيا ده چې افغانان كه د هېواد په دننه كې دي او كه د باندې هېڅكله خپل هېواد ، خلك، ژبه او ولس نه هېروي چې يو ژوندى مثال يې ستاسو په نوښت ، ابتكار او هڅو د يوې علمي ، هنري او فرهنگي ويب پاڼې (زومال پاڼې) خپرول دي، رېښتيا هم چې دا د قدر وړ گام دى چې تاسې ځوانان يې د خپل غمځپلي ولس لپاره كوى او د هېواد ټول فرهنگپالان او د قلم خاوندان به هېڅكله د تاسې په څېر هېوادپالو او ولسپالو ځوانانو هاند او هڅې هېرې نه كړي. نور به خبرو ته اوږدوالى نه وركوم او په پاى كې يو ځل بيا ټولو هېوادوالو ته د رومال وېب پاڼې د نوي جوړويدو مباركي وايم او د ستر رب (ج) نه په راتلونكې كې د لا زياتو پرمختلو هيله كوم. سر لوړي وسئ.

نيك محمد ويال مسكو روسيه د روهي ويب پاڼې مسول