ستړی ستړی یم ارام راڅخـــــــــــــــــه ولاړی
اه ترګل نازک بهرام راڅخـــــــــــــــــــه ولاړي

وخت مې بیا په زړه تیرې چړې راکش کړې
بیا یې واخیست انتقـــــــــــام راڅخه ولاړی

دسحر دښــــــــــــــکلا څرک وو خو اخ دریغه
نیمخـــــــــــــــــــــوا لکه ماښام راڅخه ولاړی

څـــــــــــــــومره ډیر زما زړګي ته رانیزدې وو
څومره لري په یووګام راڅخـــــــــــــــه ولاړی

بیا مې تشه شوه دخیال کاســـــــــــه له رنګه
بیا دحسن یو رسام راڅخــــــــــــــــــــه ولاړی

ځوانې مرګه زمـــا روح دې هم پیــــــــــکه کړ
ته چې ولاړې هر الهـام راڅخـــــــــــــه ولاړی