لویدلی یې دمرګ له هسکـــــــــه بامه ځوانې مرګه
والله که دې بیا ووینم بهرامـــــــــــــــــه ځوانې مرګه
ویل به دې تر څوپوري به سپین لاســـــــــونه ګرځم
رنګین دې کړل په وینوکې ګلپامــــه ځوانې مرګه
داپال مې دې له مستــــــــــــــــو غزلونو راویستلی
په خیال کې دې پرته وه ګل اندامــــه ځوانې مرګه
دزاڼوپه ټولۍ کې مې دمیر غــــــــــــــــوندي لیدلې
خلاصه نه شوې داجل له سپیره دامه ځوانې مرګه
له ډیره ډیره غمــــــــــــــه دشپې مخ درپسي تور شو
په اوښکو رڼه ورځ شـــــوه ترماښامه ځوانې مرګه
ګلــــــــــونه دسروضې درپسي مړې تبې نیـــــــــولي
شبنم رنګه ترې والوتې بې پامـــــــــــه ځوانې مرګه
یوپوخ زخم به جـــــــوړ کړې دریحان په زړه پوهیږم
چې ولاړې په تنکۍ ځوانې کې خامه ځوانې مرګه