زه دې په نښه کړمه
زه دې په سترګوکې راونیولم
په نرګسي مسکا دې وویشتمه
له پښتنې حیا دې وایستمه
ما دګناه په تورومه لیکه ته!
تا دې لاسونه راکړل
او مامې زړه ،
اوخپلې سترګې درته وبخښلې
ته مې دروح پروږموونڅیدې
ته مې پرسترګوباندې وټوکیدې
مامې پرون،
اونن سبا
درته قدم ،قدم
        وغواړوه
موږ،
دګودرپرغاړه وګرځېدو
دباغ پر پاکو وږمو ولمبېدو
دتورې شپې پرلمن
لکه دپرخو په څیر
شپه موسبا ته بوتله
دګل پر پاڼه،پاڼه
ووریدو
خو،
موږ ساده وو
مونږ نه پوهیدو
چې شېبې سپکې دي اومنډې وهي
اوزمونږمینه
         لکه دپرخو په څېر
              لنډکۍ عمرلري